قصة ابراهيم حمدتو البطل المصري قاهر الاعاقه - كورة لاين - بث مباشر مباريات اليوم يلا شوت koora online

الثلاثاء، 29 مارس 2016

قصة ابراهيم حمدتو البطل المصري قاهر الاعاقه



" ابراهيم حمدتو "
البطل المصري قاهر الإعاقة إبراهيم الحسيني حمدتو ابن ال 40 سنة و ابن قرية كفر سعد وابن دمياط .
إبراهيم حمدتو اتولد سنة 1973 نفس سنة انتصار أكتوبر العظيم بتبدأ أسطورة بطلنا حمدتو من يوم ما اتعرض لحادثة قطار مروعة و هو لسة عمره 10 سنين فقد بسببها دراعينه اليمين والشمالو كانت الحادثة دي كفيلة انها تولد الإحباط جواه و تقضي على مستقبله لكن الحقيقة ان ابراهيم حمدتو اختار طريق تاني غير طريق الإحباط واليأس ورسم لنفسه خط يخليه مايتنسيش من ذاكرة التاريخ.

اتجه لممارسة الرياضة و بالتحديد اختار لعبة تنس الطاولة ! ورغم غياب ايديه إلا انه كتب بنفسه لنفسه تاريخ حافل بالإنجازات و البطولات اللي ميقدرش يحققها اللي عندهم ايدين. 

الأسطورة حمدتو مسك مضرب التنس بأسنانه و ولقف الكرة برجليه بكل مهارة و ابداع و وقدر انه يهزم الجميع معاقين و غير معاقين فاكر الحدوتة خلصت كدة ؟ لا حمدتو كمان بيشتغل خطاط و زي ما مسك المضرب بأسنانه مسك بيها كمان القلم وبقى خطاط ماهر بارع . 

حمدتو حصد العديد من البطولات فمثلا في سنة 1991 حصل على المركز الأول "الميدالية الذهبية" في بطولة أفريقيا ورجع كمان بعدها بسنين في نفس البطولة سنة 2011 و وحصد الميدالية الفضية و شارك تالت مرة سنة 2013 وأخد المركز الثاني دة على مستوى أفريقيا لكن الحقيقة كمان انه وصل للعالمية و حصل على المركز الرابع في بطولة العالم للمعاقين سنة 2006

ليست هناك تعليقات:

إرسال تعليق