قصة عم حارث مع النادي الاهلي - كورة لاين - بث مباشر مباريات اليوم يلا شوت koora online

الثلاثاء، 29 مارس 2016

قصة عم حارث مع النادي الاهلي


" عم حارس "
الراجل المصرى الاصيل اللى بلاتر سلم عليه خمس مرات ،، اللى بيسخن جمهور الاهلى قبل المباريات ويبدء التلويح بايده عشان يعلن عن بدء التشجيع الراجل اللى كتب تاريخ وصنعه مع النادى الاهلى عم حارس الرجل الاسمر الذى قضي حياته بين جدران القلعة الحمراء 71 بطوله مع الاهلى ؟! تاريخ 40 سنه فى الاهلى

الرجل الذى عاش عصر مرتجى وصالح سليم وحسن حمدى ومحمود طاهر انا اشتغلت فى الاهلى وعندى 12 سنه عام 1973 فى حمام السباحه وسنه 1974 اشتغلت مع الفريق الاول للنادى الاهلى وكنت قريبا من الرئيس حسن حمدى وكان ديما يداعبنى ويقولى ياحارث انت اتغريت من ساعه اعلان جهينه 

حضرت ثابت البطل لما كان لاعب ولما كان مدير للكوره ثابت كان طيب جدا الله يرحمه بس كان شديد جوه الملعب ويعرف امتى يشد وامتى يرخى كان خارج الملعب حاجه وجوه الملعب حاجه تانيه وكنت بستفيد منه واتعلم منه مره اصيبت بكسر فى وجه القدم ؟! وقالى ثابت البطل اطلع من الملعب انته مصاب وكان حسام حسن مصاب ايضا بنفس الكسر فقال لثابت مش هطلع الا لما عم حارث يطلع وقالى استريح فى البيت اسبوع لحد ما اشفى من الكسر

● ابوتريكه كان بيجى النادى الفجر وكان ساعات يصلى الفجر فى النادى وساعات يصلى بره ويجى ؟!
ابوتريكه كان بيكلمنى قبل صلاه الفجر ويقولى عم حارث هات سندوتشات الفول بتاعك وتعالى وكان بيفطر بيها وبعد لما يخلص بيقعد يقرأ قرأن وبعده ينام ويطلب منى اصحيه قبل التمرين بنص ساعه والتمرين كان بيبقى الساعه 9 وابوتريكه حضر فرح ابنتى وجه فى توكتوك وهيديكوتى زرانى لما كنت تعبان فى امبابه عزبه الصعايده عندنا من زمان وانا بناول الكوره لمدربين حراس المرمى من ايام كابتن اكرامى لحد دلوقتى طارق سيلمان اول سفريه ليا مع الاهلى كانت 2001 مع صن دوانز وتعادلنا وفى القاهره فزنا وحصلنا على كأس افريقيا 
مكنتش بسافر قبل 2001 لأن كل لاعب كان بيخدم نفسه وجاء جوزيه وطلب ان انا اسافر والجهاز المعاون ككل حتى تتوفر الراحه للاعبين ونساعد جوزيه

● اصعب مباراة وهدف مقدرش انساهم هدف سيد عبد النعيم لاعب انبى اللى جابه فى الاهلى والدورى ضاع علينا ومقدرش انسى لما مات واحد مشجعى الاهلى من الصدمه وسيد عبد النعيم ده جارى الاهلى مش نادى والسلام ده بيت وله عزوته جمهوره اللى دائما شايله على كتافه .. البيت ده ياما شوفنا فيه ايام شدة وضيقة ودائما كانت بتعدى بس برده شوفنا فيه ايام حلوة كثير وذكريات محدش يقدر ينساها .. البيت ده كمان له سر اللى يدخله قيمته عند الناس تبقى فى السما والكل يحلم يبقى زيه واللى يخرج من البيت ميهونش عليه يبعد هو الاهلى كده عمره ما يتكسر ولو وقع له الف قومة... الاهلى خيره عليا وعلى اولادى وعلى بيتى وعمرى ما انكر الكلام ده والحمد لله الكلام ده من جوه قلبى والمفاجاة ان فى ناس بقت بتطلب تتصور معايا
مهمتى فى الملعب هى الادوات الرياضية وترتيبها فى الملعب قبل دخول اللاعبين وهو الامر الذى تغير واختلف بمرور الوقت وتغير المدربين والعمل يتراوح بين 8 ساعات الى 14 ساعة وخاصة فى ايام المباريات اتواجد فى النادى من السابعة صباحا بسبب تدريب المستبعدين وحتى العاشرة مساء بعد انتهاء المباراة اعود للنادى لاعادة كل الادوات التى نصطحبها للملعب
مباراه الصفاقسى قال انها البطوله الاغلى فى حياته رغم انه مكانش مع الفريق ..

● ويحرص عم حارث على النزول إلى أرض الملعب مبكرًا قبل نزول اللاعبين بخمس دقائق ليخبر الجماهير بنزول اللاعبين للتسخين ويبدأوا التشجيع، فبدأت الجماهير تربط بين نزوله واقتراب نزول اللاعبين فتقوم بالهتاف له فيتوجه إليهم ويحييهم مما خلق حالة من الحب المتبادل

ليست هناك تعليقات:

إرسال تعليق