ماهو جوجل ادسنس ؟ - كورة لاين - بث مباشر مباريات اليوم يلا شوت koora online

السبت، 5 مارس 2016

ماهو جوجل ادسنس ؟

النهاردة هقلكوا ازاى تستدخموا الادسنس الامريكي والمصري من غير ما يتقفل والفرق بين الشرعي والغير شرعي ،، عادة الكل بيشتغل وبيقول انه بيشتغل شرعي بس للاسف فى نهاية الشهر وعلى يوم القبض الحساب بتاعه بيتقفل سواء مصري او امريكي ومش بيقبض وهو يا عيني مستني القبض 

الشرعي انك لازم اول حاجه تخلى الموقع بتاعك محتواه حلو ويناسب لجوجل وجوجل نيوز وفى ناس كتير بتعمل مواقع للشرح والافلام والفيديوهات يعنى منوعات لكل حاجه ودا عادى مش بيضر الحساب فى حاجه بس الاهم انك متعملش قسم زي الافلام ومتنشرش فيه حاجه 

لا انت لازم تملي كل الاقسام يعنى تخليهم مثلا فى كل قسم يناسب حوالي 20 موضوع واهم حاجه متفكرش فى موضوع الادسنس ولا الفلوس الى لم تظبط نفسك وتتعب كتير فى الموضوع الموقع والمحتوي لان لم تيجي تعمل ادسنس وتحط شفره فى الموقع بياخدوا وقت لم يوافقوا فى ناس بيقولوا بياخدو وقت ليه ،،

انا هقلك بيدخلوا فى الموقع بتاعك علشان يشوفوا المحتوي والادسنس وكام موضوع فى كل قسم علشان يبدأو يشوفوا دا حصري من دماغك ولا كوبى وباست واهم حاجه فى موضوع الموقع انك متخدش كوبى من موقع وتحط باست فى الموقع بتاعك علشان دا بيرفضوا الحساب او بيوافقوا وبعد يومين تلاته بيقفلوا تانى الحساب


اهم حاجه زي ما قولنا اننا نشوف المحتوي و الاقسام ولازم نكمل فى كل قسم حوالى 20 موضوع ومنفكرش فى حكاية الادسنس ولا الفلوس الا لم تظبط نفسك وموقعك الاول وبعد كدا فكر فى الى انت عاوز تفكر فيه ودا الاهم علشان تمشي صح فى حكايه الشرعي الى كل الناس عاوزه تعرفوا 

نيجي بقا فى حكاية النشر ،، فى ناس بتنشر على الفيس بوك على صفحتها العامه وفى الجروبات والبيدجات وناس بتعمل ممول وناس ايضا بتعمل اميلات بنات وبيكبروا الاميل وبينشروا وفى ناس بتنشر على تويتر وانستجرام وغيرو الخ....

دا ماشى مقلناش حاجه بس اهم حاجه تنشر الموضوع ازاى !! انا هقلكم فى ناس بتنشر موضوع عادى يعنى .. انك تاخد اللينك كوبى وتحطه فى الفيس باست ومتعدلش على راس الموضوع فى الفيس زي دا مثلا ..



كدا يبقا تمام انك تاخد الموضوع وتحطوا ع الفيس ويجي حد يفتحه يلاقى الموضوع هوا هواه كدا تمام وماشى شرعي وفى ناس تانيه بتنشر من اميلات بنات علشان يجيلهم زوار كتير وكدا يبقا فيه ارباح ليهم كتير وبياخدوا اللينك وبيعدلوا فى الموضوع ويخليه موضوع بناتى او جنسي علشان الناس تخش تلاقي موضوع تاني زا دا ..



ودا بقا الى لم حد يخش علشان يتعرف على سمر يلاقى موضوع تانى خالص ومفهوش حد اسمه سمر وهو دا بقا الى غير شرعي وفى الاخر لم الحساب يتقفل يقولوا بيتقفل ليه وبيزعلوا ليه ودا لازم يتقفل .. 

انا اتقفل مني حساب فيه 400 دولار علشان كنت شغال غير شرعي ومزعلتش ولا حاجه بس الى زعلنى انى مكنتش اعرف الشرعي من الى غير شرعي فا انتو عرفتوا اهوا وخالوا بالكوا وكلوا عيش والشغل دا زي اى شغل زى النجاره وكل حاجه بس دا على نضيف ومن غير تعب ..


شاهد نبذه مختصره عن الادسنس والشرعي من المخالف




اتمني ان الشرح يعجبكم اسعد الله اوقاتكم بكل خير واي حد عندو سؤال يتركه بتعليق وهرد عليه بأذن الله .. والسلام عليكم ورحمة الله وبركاته .

ليست هناك تعليقات:

إرسال تعليق