طلاب حاسبات بيطالبوا بإنشاء نقابة خاصة بيهم - كورة لاين - بث مباشر مباريات اليوم يلا شوت koora online

الثلاثاء، 26 يناير 2016

طلاب حاسبات بيطالبوا بإنشاء نقابة خاصة بيهم




حاليا طلاب حاسبات بيطالبوا بإنشاء نقابة خاصة بيهم "نقابة مهندسي البرمجيات"
ناس سألتنا ( شخصيا) ايه رأيكم فى موضوع النقابة دة ..؟
بداية.....سؤال بسيط "ليه خريجي حاسبات ملهومش نقابة من قبل كدة" ؟؟!!
أول دفعة اتخرجت من حاسبات القاهرة كانت سنة 2000 تقريبا...ليه متمش تأسيس نقابة ليهم فى خلال الفترة دى (16 سنة مش وقت قليل بردو)
الإجابة من وجهة نظرنا المتواضعة ...إن أول ناس اتخرجت من الكلية معملتش تأثير قوى وواضح فى مجال computer science والتكنولوجيا عامة... دة لغاية دلوقتى تقريبا الناس فاكرة إن بتاع السايبر ومدرس الكمبيوتر اتخرجو من حاسبات "
لو كان فيه تأثير فعال من خريجي الكلية كان تم تأسيس النقابة دى من بدرى وكان حال مصر بقا أفضل لان من المتفق عليه إن حاليا الشركات المسيطرة على اقتصاد العالم هى شركات البترول والتكنولوجيا (آبل..جوجل..إلخ)
ولكن بما إن فى طلاب فاقو وعرفو حقوقهم وعرفو إنهم ممكن يقدرو يغيرو ..فطالبوا بتأسيس النقابة ودة فى حد ذاته بداية للتغيير للأفضل
إجمالا : احنا بنؤيد تأسيس نقابة لمهندسي البرمجيات
و لكن بنأمل و نتمنى إنهم يكونو  الجيل الصاعد الواعد اللى يقدر يغير التكنولوجيا فى مصر ويقدر يعمل تأثير يغير فى مصر والعالم العربي

ليست هناك تعليقات:

إرسال تعليق